لايت كيو
اهلا بك زائرنا الكريم نرجو منك التسجيل في المنتدى او تسجيل الدخول اذا لم تكن تعرف كيفية التسجيل في لايت كيو فزر زر ( س و ج ) الاسئلة والاجوبة او انسخ الرابط التالي وضعه في متصفحك
light-q.hooxs.com/faq.htm


هناك الكثير من مواقع الحب والزواج التي تعتمد اسلوب الربح ولكن يوفر هذا المنتدى امكانية التواصل مع الناس بلا مقابل
 
الرئيسيةالبوابةبحـثالتسجيلس .و .جدخول

شاطر | 
 

 أسئلة بتفزز العصب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alone_heart
عضو جديد
عضو جديد
avatar

المدينة : Hama
عدد المساهمات : 5
تاريخ التسجيل : 12/03/2010
العمر : 29

مُساهمةموضوع: أسئلة بتفزز العصب   الجمعة مارس 12, 2010 6:57 am

بــــديـــهـــيـــات ســـــــــــــوريّة
بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟

لا عم بتفرج على برنامج ارضنا الخضراء .....
((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .

هي خالصين منها ...
------------------------------------

بتطلع بميكرو(سرفيس) وبتحط هيك وبتطلع ( خمسة ليرات) وبتعطيها للي ئدامك، وبكل برودة بيئلك: واحد ؟

لأ 60 !!!!!!!!!!!!!!!!!؟ ورجعلي الباقي كمان (يعني الخمس ليرات بتركب كم واحد ؟؟)

------------------------------------

بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟
لا والله بس كنت عم جرب صوتي شو رايك انت ؟؟.
------------------------------------

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
لا والله بالعادة بفكر العب دء طميمة وماروح لعندهم
------------------------------------
نفس المذيعة بتشوف ولد بالشارع وبتساله؟ حبيبي بتحب البابا والماما؟
لا مابحبهم ابداً , انا بحب البوسنة والهرسك .

ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟

يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
------------------------------------
اشتريت لبس جديد على العيد حبيبي؟؟؟
يعني شوبتتوقع يقولها؟؟

لأ...ما اشتريت لبس جديد.... هادول سرقة من على حبل الغسيل تبع الجيران ولا بتتوقع يقولها
أخدت لبس أخي الكبير تبع السنة الماضية ولبستو...؟؟

طيب بركي فعلا كان في ولد هيك وضعو.... ليش حتى تسألو وتأستغفر اللهرلو نفسيتو قدام بقية الأولاد؟؟؟
------------------------------------

شو بتشتري بالعيد...شوكولاته وأكلات طيبة؟؟

لا والله....على العيد بشتري 10 غرام حشيش...وبنقعد نصطهج فيون أنا ورفقاتي...... وبعدين بنأرجل...... وبناخدلنا كاسين

يعني الولد الصغير شو بيحب يشتري وياكل؟؟ مجدرة ولا عدس بحامض؟؟
------------------------------------

شو بتعمل بالعيد احكيلنا حبيبي....بتلعب بالمراجيح؟؟

لأ أبدا...ما بقرب صوب المراجيح.....بالعيد بروح بلعب مصارعة رومانية...وشوية تايكواندو....
------------------------------------

بتلعب مع أصحابك بالعيد؟؟
أعوذ بالله... شو مع أصحابي..... أبدا... بنزل بلعب مع شوفيرية التكاسي والزعران...
------------------------------------

مع مين بتحب تروح بالعيد؟؟ مع ماما ولا بابا؟؟

لا والله ؛مابحب روح معهن التنين أسئل من بعض . يعيني عادة مع مين بيروح الصبي ؟ مو مع أبو وآمو ؟؟
------------------------------------

احكيلنا ...وين بتروحو بالعيد إنت ورفقاتك... حبيبي....؟

ما بدها سؤال...على الكباريه... لترين عرق.... 4 رقاصات ......2 على اليمين و2 على اليسار....

طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتو
....وما عم يحكي شي....؟؟؟
هالمذيعة الحنونة هاي..... ما عم يطلع من خاطرها تترك الولد بحالو؟؟
لك اتركيه بحالو و بعدين ..؟؟
------------------------------------

حاطت راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة

------------------------------------

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
لأ شو احكي اعوذ بالله !!! كنت عم عد الأرقام يلي فيه !شوبدي اعمل يعني ؟؟

------------------------------------

لابس أحلى لبس عندك ومتعطّر وشايل مفاتيح السيارة وجزدانك و طاتقي الله لبرا البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش
------------------------------------

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في عجئة كتير بالمهاجرين
------------------------------------

مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
لأ !! عم ارقص... بس الوضع بيوحي إني نايم
الرجوع الى أعلى الصفحة اذهب الى الأسفل
رواد
عضو ذهبي
عضو ذهبي
avatar

المدينة : الشام
عدد المساهمات : 140
تاريخ التسجيل : 26/02/2010
العمر : 26

مُساهمةموضوع: رد: أسئلة بتفزز العصب   الجمعة مارس 12, 2010 4:36 pm

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
ابو الروض
عضو بلاتيني
عضو بلاتيني
avatar

المدينة : حلب : بلد الحب والرومنسة
عدد المساهمات : 300
تاريخ التسجيل : 21/03/2010
العمر : 29

مُساهمةموضوع: رد: أسئلة بتفزز العصب   الإثنين مارس 22, 2010 1:59 am

ههههههههههههههههههههههههههههههههههههههه مشكور مان موضوعك حلوة جدا
الرجوع الى أعلى الصفحة اذهب الى الأسفل
أيمن_حلب
عضو جديد
عضو جديد
avatar

عدد المساهمات : 18
تاريخ التسجيل : 05/03/2010

مُساهمةموضوع: من البديهي   الإثنين مارس 22, 2010 2:46 am

شي طبيعي أنو قلك مشكووووووور على فكاهتك في التعبير Laughing
الرجوع الى أعلى الصفحة اذهب الى الأسفل
ليث الشام
عضو جديد
عضو جديد


المدينة : دمشق
عدد المساهمات : 9
تاريخ التسجيل : 20/03/2010
العمر : 30

مُساهمةموضوع: رد: أسئلة بتفزز العصب   الإثنين مارس 29, 2010 8:57 pm

اول شي منور خي تاني شي فكاهتك كتير عادية بس انت عبرت عنها بطريقة كتير حلوة هي الطريقة خلتها تكتسب طابع االنكتة الجميلة وخلتها تدخل على القلب الاذن متل اي كلمة حلوة بتحب تسمعها الاذن ومشكور كتير واحياتي الك .......
الرجوع الى أعلى الصفحة اذهب الى الأسفل
حودة
عضو فضي
عضو فضي
avatar

المدينة : حماه
عدد المساهمات : 93
تاريخ التسجيل : 26/03/2010
العمر : 35

مُساهمةموضوع: رد: أسئلة بتفزز العصب   الإثنين مارس 29, 2010 9:26 pm

الله عليك والله كلامك كلو صح بس بربي فقعتني ضحك مشكور حبيبنا
الرجوع الى أعلى الصفحة اذهب الى الأسفل
walid
عضو جديد
عضو جديد
avatar

المدينة : القاهرة
عدد المساهمات : 12
تاريخ التسجيل : 30/03/2010
العمر : 43

مُساهمةموضوع: رد: أسئلة بتفزز العصب   الأربعاء مارس 31, 2010 10:37 am

الله على الكلام الحلو..بس عايز اسالك هو انت خلصت الموضوع؟ههههههههههههههههههههه
الرجوع الى أعلى الصفحة اذهب الى الأسفل
وسام77
عضو بلاتيني
عضو بلاتيني
avatar

المدينة : دمشق
عدد المساهمات : 314
تاريخ التسجيل : 30/03/2010
العمر : 40

مُساهمةموضوع: رد: أسئلة بتفزز العصب   الأربعاء مارس 31, 2010 12:02 pm

شكرا إلك ومنتأمل منك شي تاني جديد كمان
الرجوع الى أعلى الصفحة اذهب الى الأسفل
محلل الشخصيات R
لايت مجتهد
لايت مجتهد
avatar

المدينة : دمشق
عدد المساهمات : 95
تاريخ التسجيل : 16/06/2010
العمر : 24

مُساهمةموضوع: رد: أسئلة بتفزز العصب   الإثنين يونيو 21, 2010 3:39 pm

ههههههههههههههههههههههههههههههههههههههههههههههههههههههههههههههههههههههههههههههههههه عنجد والله معك حق اهلي معقديني من هل اسئلة
الرجوع الى أعلى الصفحة اذهب الى الأسفل
سهم الليل
عضو جديد
عضو جديد
avatar

المدينة : دمشق
عدد المساهمات : 20
تاريخ التسجيل : 13/06/2010
العمر : 36

مُساهمةموضوع: رد: أسئلة بتفزز العصب   الإثنين يونيو 28, 2010 10:34 am

والله العظيم صرت اتضحك لحالي لما قريتهون شكرا كتيييييييير
الرجوع الى أعلى الصفحة اذهب الى الأسفل
محمد خير
عضو فضي
عضو فضي
avatar

المدينة : حلب
عدد المساهمات : 90
تاريخ التسجيل : 26/03/2010
العمر : 41

مُساهمةموضوع: رد: أسئلة بتفزز العصب   الجمعة سبتمبر 17, 2010 2:48 am

والله أضحكتـني من أعماقي ألف شكر على طريقتك الجميله في التعبير.
الرجوع الى أعلى الصفحة اذهب الى الأسفل
 
أسئلة بتفزز العصب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لايت كيو  :: ملكة الضوء :: اضحك معنا-
انتقل الى: