لايت كيو
اهلا بك زائرنا الكريم نرجو منك التسجيل في المنتدى او تسجيل الدخول اذا لم تكن تعرف كيفية التسجيل في لايت كيو فزر زر ( س و ج ) الاسئلة والاجوبة او انسخ الرابط التالي وضعه في متصفحك
light-q.hooxs.com/faq.htm


هناك الكثير من مواقع الحب والزواج التي تعتمد اسلوب الربح ولكن يوفر هذا المنتدى امكانية التواصل مع الناس بلا مقابل
 
الرئيسيةالبوابةبحـثالتسجيلس .و .جدخول

شاطر | 
 

 قاموس شامي - بالعربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رواد
عضو ذهبي
عضو ذهبي
avatar

المدينة : الشام
عدد المساهمات : 140
تاريخ التسجيل : 26/02/2010
العمر : 26

مُساهمةموضوع: قاموس شامي - بالعربي   الجمعة مارس 05, 2010 6:04 am


دَشّْرو : يعني حِلّ عَنّو .. تْرِكو
ماني غضران : يعني لست بقادر وهي ( بالميداني ـ حيّ قديم في دمشق)
يوه تشكلو آسي : يوه مفرده يأتي شرحها لاحقاَ
تشكلو آسي بعيد( الشر) تعبير يفيد شدة حب المتكلم للمتكلم عنه .
الواه الواه : تعبير نسائي بحت يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا / ولي : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني . . . وحل عني يعني اتركني بحالي
طلاع من راسي : كمان يعني حل عنّي
سد بوزك : يعني سكوت
سد نيعك : شرحو
أيدي بزنّارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شَعرو متل الشوشة : أي أن شعره منفوش ومنكوش
متل فرشاية المدفع : يعني شعراتو خشنين ومنكوشين
وضرّاب السخن : وهي مسبّة. . وتعني . . . . ما بعرف بالضبط شو .. بس مسبّة
كوكِش : يعني يفتش
بحبِِش : أيضاً مفردة تعني البحث مع التمحيص
ينمحئ : ويعني ينضرب على قامتو . . يسطفل
يبعتلو حمّى : أي تصيبه حمى ونخلوص منّو
يبعتلو أتلو : يعني يموت
يروح دعس : كمان يعني يموت بس دعس (دعس . فعس. معس )
متل مكّوك الحايك : يعني بحوص كتير
يفش نيعك : هي مسبّه
برِي عليك : يعني برافو أحسنت
شو مشان : يعني شو
تؤبرني : دليل محبّه
تشكل آسي : كمان محبّه
تؤبر عضامي : نفس المعنى بغير ريحة
تمشي على رمشي : شرحو
تطلع على أبري : كذلك
زواز : يعني زواج
سجرة (بالسّين ): يعني شجرة
أوضة : يعني غرفه
يتحورء : متل يبعتلو حمى
يتئوّص : بنفس المعنى
يتأمّع : كمان هيك شي
عود يئعد رزّك : يعني خيلتنا حاجة تحوص
والمعنى الأدق : يقعد رزك يعني تموت والناس ياكلو رز. . لأنو من المعروف
عندما يموت حدى بتصير عزيمة وبيطعمو الناس أوزي على روح الميت والأوزي أكلة
معروفة بالشام
وين غاطط : وين مو مبين
مافي أرنة: يعني لا يوجد مكان
مطرح مالو آعد : يعني بالمكان يلي يجلس فيه
والسبع تنعام : يعني إلنا الشرف
وأش كان : وتعني .. واذا كان ..
خالص : يعني منتهي أمرو ... حرام عيشتو
حمل ضرب طْرِيئو : يعني يحمل حالو وراح
الداكونه : الغرفه يلي تحت الدرج
نمليّه : مكان بالمطبخ بيحطو فيه اغراض
صحن مئوبع : يعني صحن منتلي لآخرو
حيط بياخذو وحيط بيجيبو : تقال للي بيسكر من كتر الترنّح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنّط : مفلس ولا قرش
كِحته : إيدو ماسكه . بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة . . يعني كيف بدي إلكن . . . قليلة أدب ومصبْينه
شحّاطة : مايلبسه المرء في قدمه عندما يكون في المنزل
صرمايه : يعني حذاء
ديوانيّه : يعني صوفايه
صوفايه : يعني كنبايه
طائيّه : القبّعه التي توضع على الرأس
تعسيله : نومة بعض الظهر
تغدّى وتمدّى : يعني قيلوله بعد الغداء
مسرسبة : يعني بتحب النظافة كتير
مسمّاويه : يعني حقودة وأويّه
كركمّه : يعني ختياره مصوفنه
أسسييع أوعى الزيت : بمعنى أفسح طريق
زكرت : يعني أبضاي
أغّيييييى : هي للأبضايات وبس
خروء : يعني ضعيف كتير ما بيلئى كف
تاكلو الدوده العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ .
موَسوس : مهووس بشغله
محبّك : يعني زكي كتير
ضراع : يعني ذراع
المحروسه : كلمه تسبق اسم أحد في حال السؤال عنه مثلا : (كيفا المحروسه والدتك ..)
وهي تذكر على النساء فقط
عئلو جوزتين بخرج : يعني عقله صغير
متل الأطرش بالزفّة : يعني مالو علاقة بالموضوع
حاجه تحوص وتلوص : يعني حاجة تفتل وتدور
شويّة لخار : بعد شوي .. وقت آخر
بنت عمّي : يعني مرتو وطبعاً بالعكس
مزهزه : مسطّل


مع ملاحظة أن حرف القاف يقرء همزه وليس قاف
مثلاً : (ينمحق = ينمحئ )
وهذه كلمات متداولة فقط عند أهل الشام الأصليين
الرجوع الى أعلى الصفحة اذهب الى الأسفل
ابو الروض
عضو بلاتيني
عضو بلاتيني
avatar

المدينة : حلب : بلد الحب والرومنسة
عدد المساهمات : 300
تاريخ التسجيل : 21/03/2010
العمر : 29

مُساهمةموضوع: رد: قاموس شامي - بالعربي   الجمعة مارس 26, 2010 3:54 am

رواد مشكور على موضوعك المفيد ههههه بجد موضيعك حلوة مشكووووور








التوقيع:
{ابورض}
الرجوع الى أعلى الصفحة اذهب الى الأسفل
alshamee
عضو جديد
عضو جديد
avatar

المدينة : دمشق
عدد المساهمات : 1
تاريخ التسجيل : 26/03/2010
العمر : 44

مُساهمةموضوع: رد: قاموس شامي - بالعربي   الجمعة مارس 26, 2010 5:46 am

ماشي عمي رواد بس اذا صعبان عليك شي معنى ( محسوبك ديبك)
الرجوع الى أعلى الصفحة اذهب الى الأسفل
وسام77
عضو بلاتيني
عضو بلاتيني
avatar

المدينة : دمشق
عدد المساهمات : 314
تاريخ التسجيل : 30/03/2010
العمر : 40

مُساهمةموضوع: رد: قاموس شامي - بالعربي   الأحد أبريل 04, 2010 11:05 am

كلام متعوب عليه
مشكور
الرجوع الى أعلى الصفحة اذهب الى الأسفل
سهم الليل
عضو جديد
عضو جديد
avatar

المدينة : دمشق
عدد المساهمات : 20
تاريخ التسجيل : 13/06/2010
العمر : 36

مُساهمةموضوع: رد: قاموس شامي - بالعربي   الإثنين يونيو 28, 2010 9:06 am

عنجد شكرا على هالموضوع الحلو انشالا بتئبر البي Razz
الرجوع الى أعلى الصفحة اذهب الى الأسفل
 
قاموس شامي - بالعربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لايت كيو  :: ملكة الضوء :: اضحك معنا-
انتقل الى: